كلمات سرب الحمام

لما بين وجه نورة
بنت عبدالله والعنود
غنت الدنيا سعادة
في لقا نورة وسعود
الف الصلاه على النبي والف السلام
على الحبيب المصطفى خير الانام
امشي على غيم السماء فوق الغمام
يتبعك في صدر السماء سرب الحمام
و يفز من شوق اللقا قلب امتلى
حب و وفا مايوصفه كل الكلام

يا جامعة باوصافها عذب الخيال
طهر المطر لين الزهر صفي الزلال
نورة ضيا فلك السماء ونجومها
فوق الثرى تضوي على روس الجبال
جيتي مثل حلم ابتسم فيه الشعور
جيتي مثل صبح امتلى فرحة و نور
واستبشر الكون و بدا عمر الهناء
واتعطرت بك دنيتك عود وبخور
يا بنت عبدالله ضوى فيك الزمان
و فـ ليلتك غير الهناء ماله مكان
و فـ صورتك ربي جمع حسن البشر
غير العقل غير الطهر غير الحنان
في بسمتك ذاب الخجل بين الورود
وفنظرتك بحر الحسن ماله حدود

يا قلب عبدالله ويا عمر العنود
يا هلا يا هلا بك يا هلا بك
في مكانك في عيون سعود وقلبه
حقق الله الاماني وابتدت حلو الليالي
في حياة سعود لما جيتي يا نور الحياة
فرحة الليلة كبيرة جمعت غالي بغالي
يا عسى دوم السعادة فالسنين المقبلات
مد يمناه لوصالك يسبق احساسه يمينه
واكتمل بك نصف دينه و الدعا والامنيات
يبتسم لك و فعيونه نظرته تحكي شعوره
قالت ان العمر نورة واجمل اقدار الحياة