كلمات هنتقابل بعدين

مرضيتش اسالها انت هتمشي وهتروحي لفين
وقفلت السكه اما قالتلي انا ماشيه سلام
كل اللي انا قلته مسيرنا هنتقابل بعدين
وهترجعي ثاني تحني واهي بينا الايام

وهشوفك وتداري كسوفك
ودموعك تنزل من خوفك
وهقولك ما انا كنت في ايدك
سيبتيني اروح
واختارتي طريقك بايديكي
وقسيتي وانا هنت عليكي
وكتبتي بايدك على قلبك
يفضل مجروح

كذابه وبانت حقيقتها
وانا مش خسران
بالعكس انا كده كسبان نفسي
وبقيت مرتاح
ونسيتها وخلصت حكايتنا
وانا مش زعلان
انا عمري ما بزعل في حياتي
على حد وراح