كتير حكايات بننهيها ومابنعرفش ننهيها بنلجئ للفراق أوقات ونرجع بعدها بفترات نلاقى ان إحنا مش ناسيين ولسه مكملين فيها مش بمزاجنا إننا ننسي فى حاجات ضد النسيان فى ناس رغم البُعد قلوبنا حاجزالهم لسه مكان واللي بيقول أنا عادي نسيت ومكمل عادي وما أتئذاش دا أكتر واحد بيعانى وفي قلبهُ جروح ومابينهاش كتير حكايات بنحكيها ونكذب وقت حكاويها نزوق فى الكلام ونخاف نبان فى اللحظه ديه ضعاف فابيزيد الوجع أضعاف ودمعة عين نخبيها