كلمات سلمان

نادى القصيد و راعيَ النظمْ ولهان

يسبح ابفكره في . . . . بحور المعاني

ناداه فيك الطيب . . ناداه إنسان

و فزّيت له بكل الغلا . . . من مكاني

ياخيمةْ اتظل الوطن .. بامن وامان

ياغيمةٍ تمطر على . . . . . . كل عاني

* * * *

جِمعت عزم و حزم مع جود وايمان

وكسيت أرض العز . باسمى الأماني

سيفك يطارد ياملك . . . كل خوان

فيه المِنِيَة زاهبة . . . . . . لأي جاني

غزيت بعلوم الشرف . . كل ميدان

و العدل ساس المُلْكْ . . موب المباني

* * * *

يكفيك إنِّك من سلايل . . كحيلان

وانك عَرِيب الجد . . . . أول و ثاني

قصيدةٍ وحدة ولا . . . . ألف ديوان

إن ماغَدَت أمثال . . . . راحت أغاني

ياراعيَ المسحوب .. غني له الحان

و سَلِّم علي اللي . . بالمحبة رعاني

* * * *

نامت عيون الناس و الشيخ سهران

يرعى الديار في برَّها . . . و المواني

إسمك ذرانا .. درعنا .. وين ماكان

إسمك تراتيل السَّعَد . . . في زماني

(سلمان) لا قال الفَخَر: ذاك سلمان

ياسيِّدي يعجز بوصفك . . . لساني