كلمات عم نكبر يا حلو

كبر الحلو سنة ولساتو برونقو
جوّاتو طفل صغير مين ما بيعشقو

نيّالو كيف .. بيعرف يعيش!
صاحب كيف وعايش هالعمر بشويش ...

عم نكبر يا حلو ... عم نكبر يا حلو ...
عايش عمرك لحالك
وداير بالك ع حالك
لكن والله أحلالك
مع البيحبك تكمّلو

عم نكبر يا حلو ... عم نكبر يا حلو ...
كان في طفل جوّاتنا
يتنطوط فوق أعمارنا
خوفي يمضى أواننا
وما نقوى نحملو

ما ضل بالعمر قد ما مرق ..
شو ناطر يا حلو؟!

مبارح قلنا بكير علينا مين راكض ورانا؟
فجأة ركضت الإيام فينا وغيّمت سمانا
الوراق بلشوا يسقطوا
وخرزات العمر يفرفطوا
وإنت هالقلب ممرمطو
ما عاد يلقانا

ماعاد حرزانة النطرة
يمكن ما عاد في بكرا
والماضي راح بحسرة
شو ناطر يا حلو؟!

كبرنا يا حلو كبرنا وصار يسفقنا الهوى
وترهّل هالقلب فينا وعايش ع الدوا
ما ضل بالعمر بهجة
قعدنا بكراسي الفرجة
قرَّب ينطفي وهجي
قرِّب يا حلو

ما عاد حرزانة النطرة
يمكن ما عاد في بكرا
والماضي راح بحسرة
شو ناطر يا حلو؟

ما ضل بالعمر قد ما مرق ...
عم نكبر يا حلو