كلمات كسرة العود
اشعل بخور و حط دهن عود
والعين تزهابك من الغيد
مزيون في حسنك و مفنود
يا منقش الحنا على الايد
يومه يفل من كلمه الهود
حط الغشاوه وابعد ابعيد
كنه مها او ضبين اشرود
اتعب محبن يعشق الصيد
لبى العيون الدعج السود
الموت لحمر لحضها يبيد
والشعر عالامتان مجلود
تذبح صفاته للحلا سيد
فاق ابجماله عدا لحدود
وعدا المجره و ابعد ابعيد
كنه قمر عالارض موجود
مثله ابد فالخلق ماحيد
ياللي لكم هالود معقود
واسمك يخالط عرق لوريد
تشعل فوادي بكسرت العود
وصبحك تبادا كنه العيد
اشعل بخور و حط دهن عود
والعين تزهابك من الغيد
مزيون في حسنك و مفنود
يا منقش الحنا على الايد