كلمات الناموس حمداني

ريح الصبا من جنون العاصفه هبت
واحتار فيها الذكي والعقل الانساني
من امس فيها حفوز وكنها انبتت
ان الصبا سيف والناموس حمداني

نار التحدي ان ثارت واذا شبت
تفرح بها العاصفه وتزيد نيراني
لعيون فزاع كم فزت وكم لبت
وبسبقها قالت الميدان ميداني

ان قلت حمدان هجن العاصفه نبت
عن علم شيخ الوفا وتباهت ازماني
راعي العواصف على مر الزمن ثبت
عينه على الاول ولا يحق بالثاني

شف ضاري الهين طار وغبرته غبت
من هم وراه وظفر بالشوط وحداني
ضاري على السبق ضاري ونفسه تربت
عالطيب لكن في وقت الشر شراني

والخوف لعبه مخيفه وان بدت صبت
غيمه من الرعب والبرهان برهاني
مخيفه مخيفه السبق لو خبت
في شوطها تقول خاسر من تحداني

من طيب فزاع طيبه في الملا نبت
عشق الاصايل وفاض العشق باوطاني
من كثر ماحبها حتى الهجن حبت
حمدان وامسى شعار السبق حمداني