كلمات طال السؤال

تعال اتعبت الشعر والكتابة
غنيت بك اروع قصايد ولا جيت
طال السؤال ولهفتي للاجابة
ما قلت لي انسى ولا قلت حييت

وين انت ما اطيق الحزن والكابة
في غيبتك من عالم الحزن مليت
بي جرح غيرك مايدوي صوابه
وان استحالت رجعتك ماتشافيت

في غيبتك كل الشعور متشابه
احزان وهموم وسهر مع تناهيت
تعال واكسر بالوصال الرتابة
تراك في زود القطيعه تماديت

مشتاق لك والشوق زاد التهابه
يا اعز واخر من عشقته وحبيت
العمر دونك مبتليني عذابه
شفني مشتت في ماسيه تشتيت

شفت القهر في غيبتك والغرابة
مدري خذاك الغير ولا تناسيت
تعال قل لي عن قرار المجابه
اما ترد الروح ولا توفيت