كلمات تسليه
✍️ كلمات: عبدالرحمن هديه
🎼 ألحان: كامل ايهاب
محبتنيش وكان القلب مش ليا
ومتخيلتش ان مشاعري تسليه
بعيش في خيال ووهم من طرف واحد
وبالنسبالها قصتنا حاجه عاديه
في غمضه عين فارقنا بعض ومشينا
وقولت ياريتنا يا قلبي ما حبينا
محبتناش وعرفت صح تخدعنا
وجبنا لروحنا الجرح وبايدينا
ومش اشكال
انا كام يوم وهبقى بردو عال العال
ولا ع البال
انا ندمان لاني مشيت ورا قلبي
طلع الحب في الاخر سبب تعبي
ما انا كالعاده كنت بخاف وبحسبها
واديني بشيل نتيجه ذنب مش ذنبي
بقى سهل تعشم حد وتخونه
تسيبه لسهره ولحيرته ولظنونه
وبسال ليه طاوعتني من الاول
وليه كلامها كله عكس مضمونه