كلمات العركة EL ARKA

ولا بتوصل ولا بتعود
ولا مسافر ولا موجود
ولا بتضحك ولا زعلان
ولا بتلمع ولا بهتان
لا كنت عدو ..
ولا إنت حبيب ..
ولا بتمسك ..
ولا بتسيب ..
ولا مغمض ولا بتبُص
تخاف تمشي ..
تعدي النُص
ولا فاكر ولا بتنسى
ولا بتحن ولا تقسى
ولا مرتاح ولا تعبان
ولا مِتَلّج ولا دفيان
في وسط العركة مش مُهتم
وجسمك كان بيشلب دم
ولا بترقص ..
ولا بتبكي ..
ولا ساكت ..
ولا بتحكي ..
برغم الصحبة واللمة
وحيد لسه ف أي زحام
برغم إنك شقي خلبوص
بتتشاقى وترجع خام
لا متعصب ولا بتهدى
في نص الحُزن بتهرّج
كأنك موت من مدة
وروحك واقفة تتفرج
*سافِر تَجِد عِوَضاً عَمَّن تُفارِقُهُ*
*وَاِنصَب فَإِنَّ لَذيذَ العَيشِ في النَصَبِ*

فَإِن تَغَرَّبَ هَذا عَزَّ مَطلَبُهُ
وَإِن تَغَرَّبَ ذاكَ عَزَّ كَالذَهَبِ

*إِنّي رَأَيتُ وُقوفَ الماءِ يُفسِدُهُ*
*إِن سالَ طابَ وَإِن لَم يَجرِ لَم يَطِبِ*