كلمات فضا هالشارع

فضا هالشارع وكانت خطاوي العابرين ظلال
تصورلي مسافات الغياب ارواح مخفية

حرثت الارض ب اقدامي اروح وتنبت الاطلال
اعود وتذبل وجيه خذت من هالامل ضيه

شروق الشمس مايعني رجوع الحب والامال
يجوز انه وداع الليل لاحلامي بمرثية

واظن حتى غروب الشمس مايعني ظلام الحال
انا اشعر فيه يكسيني حكاوي ناس منسية

تهادى في وصالك لي طفل خطى على اليامال
هدا واشرع ابوابي هدا وتضمك ايديه

انا من غربت شمسك سكنت بوحشة الاهمال
وحيدة مامعي الا قصايد فيك محكية

تعبت اساير هموم على كف الرجا تختال
تعبت ارسم على صدر الطريق احلام وردية

تعال وطش في صدري عناك وزيدني غربال
انا حتى قساك احس به لين وحسن نية

تعال العاشق اللي مد خطواته مسا واغلال
تعال وزاحم اكتاف الحنين وردني حية

تعال احتاج لي موعد اخير وسالفة فنجال
ابشرب صوتك واحفظ ملامحك الطفولية