كلمات اتركني احبك

اتركني احبك مثلما اني اريد
وخلي اترجملك عظيم احساسي
بين حظنك غافي انا مثل الوليد
يلا بوس عيني انت وراسي

يلا اسرح خلي ينصهر الجليد
معقوله اذكرك ليش انت ناسي
بين ايديك اني متوسد الوريد
انسى ظلم الوقت وشكد قاسي

مو بيديه الشوق ماينكص يزيد
لما اشوفك اهجر اهلي وناسي
ليش كلبك ياحبيبي من حديد
تشرب بجرحي وتكسر كاسي

ياما بسمك رددت ياما اعيد
يلي رمشك طلعتي وحراسي
تعبت حروفي وتعب ساعي البريد
وانت حبك صحبتي وجلاسي

على الهامش عايش وياك وسعيد
جبل حبك فوك فوك كلبي وراسي
اني بيك توحدت وانت الوحيد
من اشم عطرك تطيب انفاسي