كلمات رميت الحب

رميت الحب والعشره ورى ظهرك بدون شعور
كاني عابر مرك مرور العابرين ورحت
مشيت بلا عذر يشفع ولا اخذت برحيلك شور
كذا صديت لا موادع ولا حتى بيدك لوحت

على حبك عطيت وما بخلت ولا علي قصور
بعد ماكنت متسيد على قمه غلانا طحت
كذا تجحد شعور الود وايام الغلا مشكور
تغادر ماذكرت اني عشانك بالهوى كافحت

عتاب بداخل اعماقي عليك وخاطر مقهور
لو اني كنت مابين عتابي لك ولا وضحت
نحت بصدري اوجاع تزيد الخاطر المكسور
وصدري ماهو بناقص بعد هذا تزيده نحت
نسيت ايامنا الحلوه نسيت ان الزمان يدور
بيبقى ذنبك معلق على متنك لو انك رحت

عسى بعد الفراق الي طلبته شفت ضوء النور
بعد تجريحك لقلبي عسى بعد الفراق ارتحت