كلمات طبي عليهن
قومي العبي ياغزال الريم يالزينه
قومي الفحي بشعرك اللي تقل شلالي
طبي عليهن خطاوي العز تمشينه
طبع الملوك التحدي والردي تالي
انتي فرضتي على الملعب قوانيه
لك تنحني روس عذالك لك اجلالي
خلي العذارى تناظر وانتي تحكينه
انا لكن تاج من اول ومن تالي
ياقمة الزين بنت المنسب العالي
طبي وميدانهن كله تحكمينه
ياقبلة الزين فيك الحسن قتالي
من شاف هذا الجمال يقول من وينه
من العرب صدق ولا عرقه ايطالي
الكون كله بنظراتك تهزينه
يانور نص الشهر يم خصر ميالي
ريم الفلا والصقر منه خذت عينه
عنق المها زينها ماهو يورالي
الموقع اللي برجلينك تمرينه
ينبت ورود وزهور بكل الاشكالي
ولافيه مثلك جمال بكل الاحوالي
تاج الحلا يوم جيتي تستحقينه
بجماع كل الحضور وكل من قالي