ابيك بجنبي الليلة ترا كل الجروح صغار كبير الجرح في ظنك انا في ظني اصغرها خل اللي سمع يسمع اساسا ما بقى اسرار غيابك كسر سكاتي وكل اسراري اظهرها غيابك علم الدنيا تغيب وتذبل وتحتار وعلمني عليك ابكي والوم النفس واقهرها ابي ترجع تسولف لي تعلمني وش الاخبار انا احب اختصر عمري في ليلة جنبك اسهرها تعال ويكفي احراجي تعبت وما عرفت اختار ترا ما بينك وبيني حلولي انت اكثرها ولاني ناوي احكي لك على اللي في غيابك صار كفاك من الالم عيني ليمن شفت منظرها