كلمات اكيد تدري

اكيد تدري صوتك الحلو لاغاب
احس نفسي تنكسر من غيابك
كذا غيابك للحزن يفتح ابواب
غصب على البس شقاه وثيابة
حبيت صوتك وان تثيقلت كذاب
من يعشقك لاغبت يفقد صوابة
منتا بعادى كل مافيك جذاب
كلك على بعضك خيال وغرابة
لك وحشة تلفني شوق وعتاب
وان جيت تسكني حنان وطرابة
لاجاني صوتك تالي الليل منساب
فرشت لة صدري قصيد وربابة
خذني بهمسك ضمني بين الاهداب
عمري بدونك ما اتحمل عذابة
سوالفك تفني بها كل الاتعاب
لارخت على قلبي صدوق الاجابة
لك صوت يسربي متاهات واعجاب
من رقتة كل الجوارح تهابة
علمتني ان الوفا طبعا الاحباب
ورسمت عمري وردتين وسحابة
الظن بك لو غبت والله ماخاب
وانت الذي مالك بعمري مشابة
اكيد تدري صوتك العذب لاغاب
احس نفسي تنكسر في غيابة