كلمات الزين يكمل

الزين يكمل واللي ماشافك يشوف
كيف الحلا يكمل في بنت وافية
يللي ابتساماتك و روعة هالوصوف
في سحرهم شي يجيب العافية

قولي لمن شافك وشبه بالنظر
ان اللي ع الارض انت ماطاح القمر
ولا اضحكي وخلي الخدود من السفر
توصف لهم شكل السماء الصافية
يا انتي يا وجه يجيب العافية

تدرين ان مرايتك تحسبك نور
واذا انعكستي فيها خالجها شعور
ومن الفخر معذورة يملاها الغرور
قدامها اللي عن سواها كافية
يا انتي يا وجه يجيب العافية

سبحان من ميز يا مريم هالجمال
بايات من رقة وخجل طيبة ودلال
واعطاك فوق الزين و روعة هالخصال
روح مثل شمس الصباح الدافية
يا انتي يا وجه يجيب العافية

دمتي يا مريم شوق خالد والحنين
خالد هذاك الوافي الذرب الرزين
ذاك اللي تتجمل به الاشعار لين
تسمو بسحر اوزانها و القافية
يا انتي يا وجه يجيب العافية