كلمات احكي لـ

من إمتى يا قلبي بتخاف
أنا عمري ما شفتك خوّاف
إيه يعني نشّنت كتير
إيه يعني ما صبتش أهداف

من إمتى يا قلبي مخنوق
معلش يا أطيب مخلوق
احكيلي عشان بس تروق
ليه خايف جرحك يتشاف

احكي يا قلبي عشان ترتاح
احكي يا قلبي عشان ترتاح
اتكلّم همّك ينزاح
اتكلّم همّك ينزاح
ليه تفضل شايل جوّاك
ليه تفضل شايل جوّاك
وجراح بتسلّم لجراح
وجراح بتسلّم لجراح

من إمتى يا قلبي حيران
مبتتكلّمش وسهران
دي ليالي تفوت وما تشكيش
وليالي دموعك فيضان

من إمتى يا قلبي مكسور
إنت ف دي بقى مش معذور
قافل على نفسك ميت باب
رافض حتى تشوف النور

احكي يا قلبي عشان ترتاح
احكي يا قلبي عشان ترتاح
اتكلّم همّك ينزاح
اتكلّم همّك ينزاح
ليه تفضل شايل جوّاك
ليه تفضل شايل جوّاك
وجراح بتسلّم لجراح
وجراح بتسلّم لجراح

على فين السكّة يا زمان
ويا فرحة إيه العنوان
العمر بيجري وبعدين
ولإمتى هعيش ف الأحزان

ويا بخت يا سور منع النور
بقى حظي من غير ألوان
آه يا قلبي يا بيت مهجور
ياما رحلوا عنّك سكّان

اتكلّم همّك ينزاح
احكي يا قلبي

احكي يا قلبي عشان ترتاح
احكي يا قلبي عشان ترتاح
اتكلّم همّك ينزاح
اتكلّم همّك ينزاح
ليه تفضل شايل جوّاك
ليه تفضل شايل جوّاك
وجراح بتسلّم لجراح
وجراح بتسلّم لجراح

اغنية احكي – حمزة نمرة
Hamza Namira – Ehky

المزيد من أغاني حمزة نمرة
ومشيت
اهدى
طاير م السعادة
وينك من زمان
قرار شخصي رقم ١