كلمات مات الحب
من غيبة المجمول والبعد منصاب
كني على جمر الغضى واللواهيب
غرو تعلق في غرامي ولا تاب
كيف اتركه بين الأمل والمكاتيب
الوصل مثل الغيث والهجر مشهاب
يكوي قلوب صابها منه تعذيب
يا لايمي و معذربي جعلك الداب
اللي تزود في العتب و العذاريب
اللي تزود في العتب و العذاريب
من قال مات الحب يا ناس كذاب
اخذوا كلام يبعد الشك والريب
آهات ياقلب من العشق ماطاب
عشق الوليف اللي لما شفته اطيب
غالي ويبقى في خيالي ولا غاب
مانساه لو كثرة على المصاعيب
ظني لو انه خاب في الناس ماخاب
فيها زرعت الود واجني من الطيب
فيها زرعت الود واجني من الطيب
أبو العيون السود مع سود الأهداب
في بيض خديها تسل المحاديب
خصر نحيل وما بقى منه جذاب
الجادل اللي فارقه في الرعابيب
فيها الجمال اليوسفي زاد الإعجاب
كنك تشوف المعجزة والتعاجيب
ياحظ من هي له على الدين بكتاب
على النقا والعز ويجنب العيب
شيلة مات الحب خالد بن نبا