كلمات صبرت

صبرت واشوف الصبر مايبيني
حتى الصبر ينطق علامك ترديت
اليا متى والشك بينك وبيني
اليا متى تخطي ولاكنك اخطيت
اليا متى واذبح خطاك ابحنيني
واليا متى واليا متى والله ازريت

ماعاد تفرق لو تروح وتجيني
عندي تساوت يوم شفتك تماديت
ضيعت وقتي معك واجمل اسنيني
في ذمتي غلطه وعنها تنحيت
مافادني كثر العذر ياظنيني
ياما على شانك سكت وتغاضيت

مافادني شعري ومدت يميني
اخلصت لك واعطيت ماكني اعطيت
كله على الفاضي شقاي وونيني
وانته ولامره عطيت وتعنيت
وش فايدة عشقي ودمع عيني
ادموعي اللي تنحدر لاتباطيت

خلاص روح ارجوك لاتحتريني
واشره علي لو صوت جارك تمشيت
منت اول انسان ضايع يجيني
يكثرهم قبلك وفيت وتناسيت
ان جيت والا رحت رافع جبيني
ماقد نطقت ب لا او قلت ياليت
الذنب ذنبي والخطا محتويني
انا اعترف يوم ان مثلك تهاديت
ابسالك بالله بينك وبيني
وش مستفيد الحين يومك تسليت