كلمات قلم مسنون
مش دول عنيكي و لا
إحنا اللي كنا سوا
علشانك إنتي بس
شربت سم في علبة دوا
أنا كنت بحلم بيكي ألاقيكي بين إيديا تاني
صورتها مش عجباني
هشطبها من خيالي
شطبتها؟
نسيتها
ده أنا حتى مش فاكرها
إزاي ده أنت بتكتبها حالا و بتلعن غيبتها؟
لأ دي جزء من الأغنية
لأ دي هيا المسرحية
بس هتفضل تفتكرني كل ما تبقى في حضن حبيبها
من بعدك؟
إزاي ده أنت اللي عليت بالنسبة
من بعد ما كانت تسعة
بقت عشرة بتخترع الكذبة
و تصدق نفسها و تثبت إنها الأحق
فا إزاي تقنعها بعكس الحاجه
و الحاجه في نفس الوقت
مش هعرف
ما أنت اللي زرعت فيها نفسك
مش فاهمني
أنا قصدي إزاي هتقنع إنت نفسك؟
أقنعك
أقنعك إزاي و إنت اللي صح
ما هي عاشت و إنت إرتحت
و بقت هيا اللي تحت
هتعيش حياتها بكذبة
أو هتبقى بثمن بخس
هيقول إشمعنا أنا
ما أنا قبلي حد زنا
لو قولت إنت إتجننت و صدق
مش هتعيشي في هنا
بس أنا اللي إتحسب لي
زائد واحد من الظروف
سن القلم مسنون
عمره ما كان قلم مقصوف
كل شمس و ليها كسوف
إلا شمسي كانت بتطوف
جمبك
كان قلبي هو قلبك
ذنبك
إنك صدقتي نفسك
صدقتي إن أنا هسيبك
هاجي عليكي في يوم و أبيعك
صدقتي نفسك لما قالتلك
إني مش حبيبك
طيب مين كان جمبك
ساندك عايز مصلحتك
طيب مين إتخلى عن كل البشر
علشان ساعدتك
طيب مين في عز وقت ديقتك
كنتي بتلجأي له
يفرح لما بتحكيله
سامعك في الصلاة بتدعيله
شايل همك قبل همه
ضحكتك سر إبتسامته
دارى و خبى بيها صمته
كبرياء لكن قسمته
مش وقته
كفايه إنك فكرت فيها
مش هتبقى كمان بعيدة
و قاعد تفتكر ماضيها
فوق
كان قيلالك ماتسبنيش
بس سابت
و قالت فيها اللي مكفيها
ما هو فيها اللي مكفيها
و إنت كمان سبتها و مشيت
و عشت
و سافرت
و رجعت
لنفس البيت
إزاي بتلوم عليها
و هيا أصلا منستنيش
علشان كان وعد بيننا
إنها مع غيرنا مش هتعيش
هتعيش حياتها بكذبة
أو هتبقى بثمن بخس
هيقول إشمعنا أنا
ما أنا قبلي حد زنا
لو قولت إنت إتجننت و صدق
مش هتعيشي في هنا
بس أنا اللي إتحسب لي
زائد واحد من الظروف
سن القلم مسنون
عمره ما كان قلم مقصوف
كل شمس و ليها كسوف
إلا شمسي كانت بتطوف
جمبك
كان قلبي هو قلبك
ذنبك
إنك صدقتي نفسك
كنت بقولها علشان مصلحتك
مش عايزك تبقي الجميلة
اللي يبصلها كل الناس بعين
و في عينه حاجه كبيرة
عندك حق
ما أنا اللي كشفت نقطة ضعفي
كانت في شغفي إني أبقى معفي
من ذنوبك يوم الحصد
عندك حق
ما أنا اللي كشفت شفرة حبي ليكي
و إتعلقت بيكي
و حبي ليكي زاد عن الحد
ما الحاجه لما تزيد عن الحد
لازم تبقى ضد
و أنا حبي ليكي زاد عن الحد
و مش شايف له ند
بس أنا لو يوم فكرت
إنك مش هتسيبيني زيك
عمري ما كنت هفكر فيها
لأني برضه زيك
إزيك وحشاني
حضنك وحشني اوي
كلمها و متعاندش
أكيد بتحبك وإنت غبي
ما أنا زعلي منها تراكم
و النتيجة إنها بتعاند
مش بس في أي حاجه
لأ كمان لما أبقى زاهد
الدنيا و الآخرة
و بقول مش عايز حد
مش بلقاها جمبي
و لما أتكلم يبقى ملكش حق
هتعيش حياتها بكذبة
أو هتبقى بثمن بخس
هيقول إشمعنا أنا
ما أنا قبلي حد زنا
لو قولت إنت إتجننت و صدق
مش هتعيشي في هنا
بس أنا اللي إتحسب لي
زائد واحد من الظروف
سن القلم مسنون
عمره ما كان قلم مقصوف
كل شمس و ليها كسوف
إلا شمسي كانت بتطوف
جمبك
كان قلبي هو قلبك
ذنبك
إنك صدقتي نفسك