كلمات وسعوا الملعب

وسعوا الملعب و يا من تبي المعنى تعال
خل بندال المثايل على شاراتها
يبدع الشاعر على النظم ولا الارتجال
لا هبط بالمعرفه سوق خذها هاتها
لا وردت العد ما جيت بقصار الحبال
والبحور الطاميه سابح غباتها
يا ولد عايض معك حاضر حال وحلال
ساعة ما فاتت الشاعر اسهاماتها

ثم أعيد المعنوية على كراتها
استهم من المعاني و شرهات المقال
والمغاني ما استهميت من شرهاتها
شاعر مخزونه النفط و الغاز المسال
ما يعاين فالشعاعير و ايراداتها
ان حضرت يعود اللي يحب الهوش ذال
وان تغيبت فالاسامي على هيباتها
يوم جا داعيك ما قلت ماعندي مجال
قلت حاضر والقصيدة تجيك ابياتها
انا في حفلك بجيب الاجابه للسوال
بالنيابه و التماثيل تشرح ذاتها

مرحبا بضيوفك الافها و مياتها
في محل يكرم الضيف من ماضي الليال
فيه عقد الراي و الفزعة و راياتها
مرحبا والبن والهيل في صفر الدلال
والمداخن كن ضباب السحر نفحاتها
باسمك ارحب على الفال يقفاه العقال
مرحبا تقري و تذري على عاداتها
الف مبروكن زواجك و جعله خير فال
والمباني من عمدها و من لبناتها
من تعمم بالسحايب تمركى بالجبال
والمناسب من ثقات العرب ف ثقاتها
وانت ابن شيخ القبيله وابن منصى الثقال
معتق رقاب دنا السيف من هاماتها
نادر من ندر بين جد و بين خال
سيرة اجدادك تحفظ الرواه اثباتها
وانا ما عندي توسط ولا أرضى ب اعتدال
في مواجيب القبيله و في وقفاتها
وان طغى ضرب الحقيقه على ضرب الخيال
لابتي تشبع سباع الخلا هداتها
عزوة ال كناد لا صك جال عرض جال
هم سلاطين المعارك وهم ساداتها
مثل عيد بالأضاحي نعيد بالرجال
نتقرب في رضى الله بذبح طغاتها