كلمات مرثية

هُنَيكُم ياللي من الحزن سالين
ما مرّكم ما صار واللي جرَى لي

لي تسعه أشهر دمعة الموق فالعين
أسهر معا طيفه ولا ارتاح بالي

والقلب كنّ جوفه نيار وبراكين
وتقول كنّ صدري يصاليه صالي

أبكي على فرقا ناسٍ عزيزين
والعين ما تبكي على غير غالي

راح الوفا والطيب والجانب الزين
وجهه النقاء راع العلوم الجزالي

ماله عوض بين الرجال المسمين
فقده قضى صبري وضحكي وحالي

يا عوي قلبي عوي ذيب السراحيين
جرى العوى من نايفات الطوالي

ولا وجودي وجد من حده الدين
مسجون في الغربة و لاله عيالي

على حمد يا بري حالي وياسين
عزي لحالي من صدوف الليالي

جعله جنان الخلد ياربي آمين
بموت ماني منه دالهه وسالي

شيلة مرثية – ربيع اليامي