كلمات من يعز اللي يعزه

من يعز اللي يعزه ما خسر ابدا غلاته
بالمواقف ما يهده يرتمي دون المتون

ومن تبع راع المرزه خاسر والله حياته
يتركه يوم الملزه خاسي و دايم يخون

فكر ب عقلك ودبر لا تغرك مغرياته
يبسط الدنيا ب يمينك يوهمك انه حنون

تنجرف خلفه بطيبك يبلعك لانك غناته
ما يهمه وش يجيلك يوهن اكتافك طعون

كل منهو في حياته صاحب يعشق صفاته
ينتبه لحظه ميوله وش يسوي وش يكون

ه البشر معدن ومعدن لازم اتناظر نواته
لانها هذي جذوره تسحبه سبعه بطون

لو تغير او تلون في مواريه و عباته
يرجع الاصله وطينه واعرف انهم غالبون

بالاخير اللي يصاحب لا يكثر في جهاته
يكتفي واحد يعزه بالمواقف له يصون