كلمات مطرح أمان

يا ريت ها المرج الأخضر
يصير موج و يحملني لبعيد
تحتّى الاقيك ع تاني ميله
و إرجع منّك إخلق من جديد

و نقعد عشيّه بها البَرّيّه
و إغزل بإيديّي سما الحرّيّه

إذا بقي بالأرض مطرح أمان
بيكون حضنك يا حبيبي
إذا بقي بالكون ذرّة انسان
بيكون قلبك يا حبيبي

إنت وطني
و إنت سكني
و إنت زمني

إنت صوتي و أنا صوتك
نقسم خوف العمر نصّين
و نمشي سوا  عدرب الهوى
و الحكاية منحملها بقلبين

و نسهر ليليّه بها الصّيفيّه
ياريتا ما تخلص السّهريّه

إذا بقي بالأرض مطرح أمان
بيكون حضنك يا حبيبي
إذا بقي بالكون ذرّة انسان
بيكون قلبك يا حبيبي

مش إنت وأنا… نحنا سوا
و حبنا أكبر من الزمان