كلمات حلوة النظرات

حلوه النظرات
انا استاذ فك الشفرات
حلوه الحركات
ما انا بفهم لغه الاشرات
في ساعات
تكات بتوصل من غير
كلمات

حلو التمثيل
لما بتعمل فيها تقيل
بس التسبيل
كشفك اوي قدامي يا جميل
بان م التكشير
لما يحاولو معايا وتغير
بان من التعبير
على وشك وضح التاثير

باين يا جميل انك دايب
بيبان في عنيك
واما بتتلفت وانا غايب
بيلاحظوا عليك
والناس بيقولو عنا حبايب
وشاكين فيك
ده كلام بالصدفه انا سمعته
من ناس حواليك

ماهو مهما تداري
عني عنيك واضح مكشوف
وانا بعمل مش واخد بالي
وبخباثه بشوف
في كلام بفهمه من افعالك
مش شرط حروف
اول لما اجي
لما تشوفني
بتكون ملهوف

اصلك يا حبيبي بالنسبالي
باين مقفوش
ولاتقدر ثانيه على بعادي
متستحملهوش
وواصلني كلامك واهو جالي لو مسمعتوش
انا فاهمك قوي للدرجادي
فعادي متقولهوش