كلمات عصر المال
المال يامال هذا العصر عصر المال
اذا معك مال كل الناس تخضع لك
ون مامعك مال حتى لوتكن رجال
يصير فعلك وقولك قول مستهلك
وعزت النفس لاتوجد في الانذال
وشامخ الراس مايخضع ولو يهلك
يصارع الوقت والدنيا صراع ابطال
وينتصر للمبادي والقيم مثلك
وانا تالمت بالدنيا وشفت اهوال
وكم تحملت حملي يازمن حملك
شليت همي من الدنيا مع الاثقال
ورهقت همي بطول الخط والمسلك
عانيت الاوجاع والتهميش والاهمال
من ناس ياقلب كم حبيتهم لجلك
تظلموني وقالو عني الاقوال
وانا معاهم وفي ضحيت في مملك
واليوم من قربهم اعلنت الاستقلال
سامحهم الله ياقلبي وربي لك
ضاقت عليا وربي بدل الاحوال
والضيق بعده فرج ياتي بالليل احلك
والناس اجناس به طيب وبه بطال
والجيد من جاد ياالغالي بمايملك
والله يرعاء الجميل والجمل والجمال
ياذي تجملت ابشر بانرد جملك
والخزي والعار لاهل القلقله والقال
تستاهل السحب يارابط على رجلك
ياظالم النفس جنب النيه الاعمال
اعمل بنيه وكون امشي على مهلك
وحفظ لسانك وحاول تقصره لوطال
ووزن كلامك وقيس الوضع في عقلك
واخر نصيحه جعل لهل الردى زلزال
بعمل بااصلي معك وعمل معي بصلك
طيب الاثر دائما يبقى هو الغربال
والناس للناس قولك يثبته فعلك