كلمات فوق القمر
يا ليل يا ساتر هموم المرايات
يا حافظ أسامي صبحت ذكريات
قمرك ده خاتم فضة، تايه من إيد سلطان
وقع زمان م السما… وبقيت بلا عنوان
وقفوا النجوم لابسين حداد
والصمت انفتحله ألف باب
وسؤال كبير ملهوش جواب
هو القمر ..أصلًا حقيقي…
والا نوره كان سراب؟
بفتش في جيوب الوقت يمكن ألاقي دقيقة
هربت زمان ويا القمر تاهت فيها الحقيقة
بفتش في جيوب الوقت يمكن ألاقي دقيقة
هربت زمان ويا القمرتاهت فيها الحقيقة
يا ليل يا شابك قلوبنا بألف وعد
يا حارس قلب …في الوحده صان العهد
قمرك ده ناقص حته، أبيض من غير ألوان
خان زمان قلب البشر، وخسرت إنت الرهان
بكِت الحقيقة وقت السكوت
وصداها تاه بين البيوت
وطفل برئ رافض يفوت
حلمه اللي عاش…فوق القمر ..
بفتش في جيوب الوقت يمكن ألاقي دقيقة
هربت زمان ويا القمرتاهت فيها الحقيقة
بفتش في جيوب الوقت يمكن ألاقي دقيقة
هربت زمان ويا القمرتاهت فيها الحقيقة