كلمات وجوه الناس

‏Hey.. hey yow
أنا شلت وجوه الناس.. واكتشفت المستحيل
حتقلّي عم بتبالغ بس رح قلّك شو الدليل..

ياما قَعَدِت ع العتمة حتى خبّي الدْموع
هربان، من وج الناس بدي اخفي هالموضوع

ياما وثقت وانخنت وانخنت ورجعت وْسِقْت
وِرْفِيقي الغرقان وشلتو دَفَشْني لحتى غْرِقت

ياما باعوك.. تَرْكوك.. نسيو شو بْ يِقْرَبوك
وأوّل ما وْقِفت بلحظة.. رِجعو يتذَكَّرُوك

قالو صاير مشهور.. شوفو هلق وين صار
لو كَمَشُو هالعصفور ما كان من إيدن طار

لازم شوفك حبيبي واتذكّر إنّي حدّك
‏Awww
حبل الكذب قصير ما حدا كذّب قدّك

في واحد قَلّي ليك.. ما تفكّر إنّي غيران
طب علِّمني متلك صير.. لو تعرف انا تعبان

بِ إيدو مْسِكْتُو وَصَّلتو تا يَعرِفني مين
ولمّا بَرَمْتِلّو ضهري بضهري شَك السكّين

*******************************

لمّا بتضحك عليّي.. أنا إسمي الساموراي
من دون ما حرِّك دَيّي.. رح أعملّك باي باي

يعني ما تفكّر حتى إنو بإسمي حَا تْسَمّيني
بدّك ترجع ندمان؟ إسأل Google بتلاقيني

رح بتلاقي الملايين كيف بقلبن حطّوني
وحدك انت المسكين هال غِِييري شِفتا بِ عْيُوني

قول اسمالله يا كتكوت هيدا كلّو فضل ربّي
يعني حتى وانت كيوت بَحْر بْ حِقْدَك بِتْعَبّي

*******************************

صرت بشوف قلوب الناس.. وبِفْرح إنّي حقيقي
مين بشيل من الأساس ومع مين كمّل طريقي

ضِيعانُنْ كلن fake عم بيبدلو وجوه أُولُوف
يمكن شكلا ال mistake إِنو وِجّي اللي مكشوف

وِج الإسمو صَديق مش هيدا اللي وقت الضيق؟
عم يعمل حالو مشغول تا يهرب ع البطيء

وِج اللي اسمو خَي يمكن مش من نفس ال بَي
عم شوفو متل خْيَالي بيطلع طامع بِ ال فَي

وِج اللي قايل والله صاير Rapper عم بيغنّي
لو ما إنتا الحمدلله هالحكي ما بيطلع منّي

بالوقت ال إنتا سهران عالنسوان وقتك ضاع
أنا كنت عم بِرسم عم بِكتب عم صَمّم إختراع

قبل ما تطلع دَقني… قاعد مع الرئيس
وإنتا يا توتو تا تلعب واقف ناطر سرفيس

يمكن شكلك صدّقت بس بتحكيني لمّا تعوز
‏Sorry ما عندي وقت بدي نضِّف الشُووووز