كلمات تفاصيل الجمال

عَلَى طَارِي الْجَمَال اللَّيّ تفاصيـله تـِرِد الرُّوح
تهادي واقبلي يَا شَيْخِه يَسْعَد رَبِّي هالطَلّـة
تهادي وإنتي أَعْذَب مِنْ تَصَاوِيرِ الشِعِر والبوح
وْ ارقّ مْن النـفاف وْ أَكْرَم مْن الْغَيْمِ إذَا هلَّـه

تجين وْتِمتلي الدّوْحَة وْضواحيها عِطْر وتْفوح
تجين وْ يختـصر بَعْضَك تـواصيف الشِعِر كِلَّـه
وْكِن شوفِك سَعَادَة وْضحكِتِك بُشرى وْلِقاك طْموح
وْ قَـدِّك بَـهجة الْأَرْض اللَّيّ فِيهَا يـنطبِع ظِـلَّه

مَلامِح وَجهِك عيونك ضياك وْطبعك المملوح
وْشعْرك هاللي لَو يسدِل يـزِمّ الصبـْح وْ يْـفِلّه
وصوفٍ زادِتِك بَيْن الْمُحَال الْمُمْكِن الْمَسْمُوح
جمالٍ لَا إنعِكَس فِي مرايتِك ماظنها تَوَصَّل لَه

وَهَلَّا بِالغَالِيَة اللَّيّ لَو تبـي ضي الْقَمَر مَسْمُوحٌ
وَإِذَا مَا ينهدا إلمثلِك أَجْل ضي الْقَمَرِ مِنْ لَهُ
كَرِيمَة شيـخٍ عْلومه رَفِيعَةٌ وْشامخة لِصروح
سنَدْك وْ عِزِّك أَن قالو يَا شَيْخِه بِنْت عَبْداللَّه

إلٰهي يسعِدِ أَيَّامِك فِي ظِل سَمْح اللِّقَا وَالرُّوح
عَلِيُّ بْنُ نَاصِرٍ الْوَافِي عـزيـز الجـاه و الطَـلّة
ابْن ذَاك الْكَرِيم اللَّيّ خِصَالِه بِالْمَعَانِي تْفوح
عَسَى اللَّهُ يسعِده فِيك وْ يهَنّـي خِـلٍ بـ خِـلـَّه

يْا جعْل أفراحكم يَا آلَ ثَانِي بِالسَّعَادَة تْلوح
وْعسى يـرزقـكـم اللَّه بالمَحَبَّة والفَرح كـلَـه
كِثِر ماتِلمَع نْجوم اللَّيَالِيَ فِي الْفَضَا الْمَفْتُوح
وْ كِثِر مَا صَلّت الدُّنْيَا عَلَى الْهَادِي نبـي اللَّه

اغنية تفاصيل الجمال