كلمات غوالي
✍️ كلمات: احمد سليم حمدان
🎼 ألحان: ادم البنا
نظرتك سحرت فؤادي
ماجاني نوم الليله دي
انت ولا غيرك مرادي
بس سايق في عنادي
امتى بس تكون حبيبي
ليه تزيد بس في لهيبي
امتى تبقى من نصيبي
امتى تبقى بيا راضي
يا اجمل ما رات عيوني
دوبت فيك وزاد جنوني
لو تخيب يوم فيك ظنوني
يبقى ع الدنيا السلام
طب عنيك ليه قايلهالي
ياللي ليك مكان وعالي
ياللي ولا بعدك غوالي
ليه تقيد نار الغرام
حبي ليك مش بمزاجي
مريض وبايدك علاجي
من غيرك لا هاروح ولا اجي
هذا حب لا ارادي
ياللي سهمك فيا صايب
رد على شوق الحبايب
قولي كلمه انا قلبي دايب
ووعد ادلع فيك وادادي
يا اجمل ما رات عيوني
دوبت فيك وزاد جنوني
لو تخيب يوم فيك ظنوني
يبقى ع الدنيا السلام
طب عنيك ليه قايلهالي
ياللي ليك مكان وعالي
ياللي ولا بعدك غوالي
ليه تقيد نار الغرام
جنتي انت ونعيمي
كنت حلمي طول سنيني
شوقي ليك عدا وحنيني
عمره ما كان مره عادي
ياللي حبك في وريدي
ابتسمت هذا عيدي
انت ليك كل جديدي
انا ملكك م الليله دي
يا اجمل ما رات عيوني
دوبت فيك وزاد جنوني
لو تخيب يوم فيك ظنوني
يبقى ع الدنيا السلام
طب عنيك ليه قايلهالي
ياللي ليك مكان وعالي
ياللي ولا بعدك غوالي
ليه تقيد نار الغرام