كلمات كزدورة عالأردن لـ

تعا كزدورة معي
عالأردن يلّا معي
بتعشقها من دون وعي
شعبها بيتميّز بالعفوية

فيها أماكن سحرية
منزور البترا الوردية
وبالعقبة شط وميّه
محلا جوها بالصيفية

منميل ع وادي رم
نخيّم فيّو ونلتم
وأول ما الدنيا تعتم
بدل النجمة تلاقي مية

يلّلي منحبّه معنا منجيبه
نطلع سوا على جبل نيبو
نشوف الفن وترتيبه
وزخرفاته الفسيفسائية

زايرنا يا مرحبابه
هو بين أهله وحبابه
الأردن فاتح بوابه
لضيوف الهاشمية

البحر الميت يلّا نشوف
في شي كتير عنه معروف
ملح وطين للكل موصوف
بترجع شب وأنتي صبية

أكيد ما مننسى نزور الشمال
ونشوف روعتها الجبال
عجلون هي شي من الخيال
مناظر حلوة طبيعية

وجرش للفرح عنوان
كل سنة فيها مهرجان
يتمنّى أي فنّان
فيها يغنّي لو غنية

ومننزل ع وسط البلد
من الجد لولد الولد
جبل القلعة فيها شهد
تاريخ وحضارة حيّة

هاي الأردن الأبيّة
النخوة والشهامة هية
كلنا فخر ومنفتخر
بكل نشمي فينا ونشمية

ما في أطيب من شعبها
ريته يسلملي قلبها
من بين كل الأوطان
ما أختار إلّا هية

اغنية كزدورة عالأردن – زياد صالح
Ziad Saleh – kazdoura To Jordan