كلمات حب غالي لـ

تعالى نتفق اتفاق
لو اتوجعنا من الفراق
يبقى لازم ننسى مين غلطان في مين
وعشان مانخسرش اللي جاي
اللي مات نعتبره حيّ
وكإنّ لسه حياتنا بادئة من يومين

وبلاش بقى ندوس على الوجع اللي خلانا في شقى
بلاش بقى نبعد عشان مش عايزة أبقى مصدّقة
إنّ اللي بينا ده احتمال يطلع خيال وتغيب وأغيب
وأنا لسه بيك متعلّقة

تعالى نهرب من الخلاف
من غير مانقلق أو نخاف
صدقني أسهل حاجة نتصالح أوام
تعالى نتحدى الظروف
ونراضي بعض عشان نشوف
إنّ اللي بينا حب غالي مش كلام

وبلاش بقى ندوس على الوجع اللي خلانا في شقى
بلاش بقى نبعد عشان مش عايزة أبقى مصدّقة
إنّ اللي بينا ده احتمال يطلع خيال وتغيب وأغيب
وأنا لسه بيك متعلّقة

اغنية حب غالي – نهال نبيل
Nehal Nabil – Hob Ghaly

المزيد من أغاني نهال نبيل
الرفاق
شاي زرده
عايزة ارقص
لو يتكلموا
انا عمري