كلمات ملك بالحب

انا الملك بالحب والذوق والصد
وانا الحليم اللي على الجرح صبار
عند الوله مالي محاذير او حد
ومن صدني قفيت واهديته ازهار

وحدي بحزني مالي وصف ولا ند
وافراحي تعرفني انا ابنها البار
حنون ومن طبعي ولا ابيح السد
واللي ظلمني عنه انا اقدم اعذار

احلم وانا نايم بعصفور غرد
كنه يناجيني على جاله انهار
وافز انادي بس هالحلم ما رد
احلامي القاها كتابات جدران

حزني من اللي شاف من روعته شك
قال انت احزن مني وش باقي ما صار
قلت انتظر ما شفت دمعي على الخد
قال الا بمشي عل اللقاء لي ديار

هذي حياتي حلم تتنفس الورد
واحيان هي اعصار في جوف اعصار
بس الملك لا دارت وحصحص الجد
يبقى ملك والغير يادوب تذكار