كلمات خد مني الوردة يا بيه لـ

مش ذنبي إنّي بقيت في الشارع
من غير أم و من غير أب
مش ذنبي إنّي لقيتني في دنيا
مش موجود فيها لحظة حب

أنا طفلة و طفولتها نسيتها
ماشية و ماسكة في ورد و فلّ
أنا طفلة و الدنيا جابتها
في مشاكل ياما مالهاش حلّ

طب خد منّي الوردة يا بيه
طب خدي منّي الفلّ يا ست
خدها يا باشا و إدّيني جنيه
أنا مش نازلة أشحت من حد

مش أنا اللي إخترتها شغلانتي
أنا كان نفسي أفرح بطفولتي
بس طفولتي بقيت في الشارع
و الشارع بقى بيتي دلوقتي

أنا لما بجوع باكل لقمة
إن شاء الله تكون والله حاف
أنا كل طموحي لما بتشتي
و في السقعة إنّي ألاقي لحاف

أنا لما الليل ييجي و يليل
صدقني أنا بجد بخاف
بفضل بصّة بعيني في السما
لحد ما نور شمسها يتشاف

طب خد منّي الوردة يا بيه
طب خدي منّي الفلّ يا ست
خدها يا باشا و إدّيني جنيه
أنا مش نازلة أشحت من حد

مش أنا اللي إخترتها شغلانتي
أنا كان نفسي أفرح بطفولتي
بس طفولتي بقيت في الشارع
و الشارع بقى بيتي دلوقتي

اغنية خد مني الوردة يا بيه
Khod Meni El Warda Ya Beyh – Al Amira Fairouz
كلمات وألحان: كاستلو

المزيد من أغاني الأميرة فيروز
ساعدوني
كلمة ماما
جوه الأوضة دخل فار