كلمات دوامة لـ

ما بتجيش شاملة وما بتجيش سهلة
دايمًا فيه دراما، القصة دي سحلة
لو استنّيت تقرا، لأ مش هتجمّع
لازم أنا أجمّع طاقتي

لازم أنا أصارح، لازم أنا أسمع
لازم أنا أسمع
زرعته حب وسقيته دمّي
طرح لي ذلّ وأنا ماليش في حدّ

إكمنّي ابن سوق والغيرة حدّ
مبدأ بمبدأ، كرامتي دمّ
مش عارف أهرب، كان لازم أرضى
زميلي مش قادر وبحاول أقدّر

وبحاول أكتّر، كان لازم أكبر
كان لازم أكبر، كان لازم أكبر
تسحبيني دوّامة وعيونك صيّادة
مع إني دبّابة ومش بقع ياما في العادي

ببقى أنا اللي بسيب العلامة
إنتي حاجة واحدة كدّابة
وأنا بغنّي مش بمثّل، فبشياكة
قولتي العيب مش فيّا ودي دماغك
فشكرًا على الولا حاجة

مع إني دبّابة وعيونك صيّادة كدّابة
مع إني دبّابة، كدّابة وعيونك صيّادة

أشوفك فتقولي لأ، وبتحاولي تلاقي وقت
بتقولي نسيتي مين أنا
بعدين قولتي إني مش حدّ
عالي أوي السحب

بطير وبكمّلها بالستر
سهران أحبّ القمر
بس كفّينا مدّ وجزر
بشويّة خطّ ع الرفّ

Baby I am sorry
بس أنا مش الشخص اللي فاضي يشوف الـ Stories
قولتي إنت مين
قولت أوعديني ما تخافيش

لمّا ورّيتك هذا الماضي إنتي ما استحملتنيش
دلوقتي أنا متساب عالأرض
أنا مش قادر أعيد
وأرجوكي تنسي إني قولت إن في زيّك كتير

نصحى شقا، بنضحك غُلب
عاملين مبسوطين
زميلي مهما شفنا ذلّ
ثبات ع المبدأ مظبوطين

عاملة فيها دايمًا زعلانة
بس عادي، ما أنا مزعّل ناس ياما
كانت فارقالي بكل أمانة
بس هيّ مش فارقة معاها

حاسس الدنيا مش عايزانا
حاسسها صعبة، حاسسها شغلانة
بس مش كان أسهل بأمانة
تقولي أنا ما بيعجبنيش حاجة

كدّابة، كدّابة
كدّابة، وعيونك صيّادة
مع إني دبّابة، كدّابة
شكرًا على الولا حاجة

اغنية دوامة – ويجز
Wegz – Dawama

المزيد من أغاني ويجز
مش كل مرة
كلام فرسان
أفتر بارتي
غريبة
إزاي تفوتني