كلمات جرحنا توه

يا قلبي جرحنا توه تقفل تو بعد ما طاب
ما مدى ما لنا كم يوم وادعنا كثير احباب
ما مدى جرحنا يبرى لسا البارحه نعاني
من الحب ومن الذكرى تبي نرجع نحب ثاني

معاذ الله الا الحب وانت اكثر احد يدري
علامك ماهو انت اللي بكيت البارحه بصدري
وحلفت وقلت لي توبه تنسى الحب ودروبه
ما مدى ما لنا يومين جرحك ما شفى دوبه

يا قلبي كله الا الحب فال الله ولا فالك
واذا مصمم انا يا قلب مجبر اقف قبالك
علامك جرحنا توه يا دوبه ما لحق يهدى
لذلك انسى طاري الحب قبل ما حربنا تبدى

واعدك لي عدو يا قلب واكون اول بني ادم
قوم حرب مع قلبه واربي فيك هالعالم
ما مدى مالنا يومين حلفت وقلت لي التوبه
وجاي اليوم تبغى نحب نسينا الحب ودروبه