كلمات شاهد
الظلم يا ناس وتفرقو الإخوة
والشام صاحت عن وجع يا دافع البلوة
في أم ناطرة عالباب
يرجع ضناها اللي غاب
والبي ع غفلة عمر شاب
لا حيل ولا قوة
يا ضايع بقلب الدني ما لك سند وضعيف
بس الأصل عز ورضا ومعدن حلو ونضيف
بترجع ل منبت ديرتك صاحب أرض مش ضيف
الضربة اللي ما بتقص الضهر
بتقوي صاحبها
الإيد ال من طين وقهر
مجبور تغلبها
لا تخاف محروس بدعا ومحمي بحما الله
خصمك إذا زاد الأذى وصبحك عتم خلى
ما بيكسر عود القصب
ولا بتحني ضهرو سنين
والفاس من عزم الحطب
يمكن ب لحظة يلين
يا ضايع بقلب الدني ما لك سند وضعيف
بس الأصل عز ورضا ومعدن حلو ونضيف
مكتوب بعد المعركة يرجع لغمدو السيف