كلمات هكمل طريقى Hakml Tare2i
انسان طموحه كانت اخر سلمة
كل ما يطلع خطوة بتكون مؤلمة
لما بيتعب عينه بتيجي في السما
بيدعي ربه يقويه عالمفرمة
عيني اتعمت ما بقتش أشوف
ولا حد سالك ليا
وكل اللي كانو معايا
خانو طلعو مصلحجية
مخنوق من حياتي بشرب يوماتي
من اللي بشوفه حواليا
والجرح عادي واخد عليه
مبقاش يأثر فيا
هذا أنا يا زمان المطوحة
مكسور من اللي بيجرزوني
في المدبحة
الناس بقت مصاعير بالأسلحة
يبقا هشوف ازاي عيشة مربحة
ضايع أنا أنا مش هنا
أنا ناسي اسمي أنا مين
حتى حبايبي اللي هما سندي
عليا ليه جايين
جضيت وبطلع خنقتي
في الشرب والحجرين
ما انا لو فايق مش هقدر أعيش
وسط ناس خاينين
تاية في شارع اسمه الغدر ببلاش
سكانه جوه البلكونات حدفين فرد
عارفين مكان الجدعنة ما بتتنساش
وفيه ده خانو في قلبنا ماهو كان جراش
مش خايف أموت
مانا كده كده أصلا عايش ميت
ما اللي عاشر يهود يا ناس
بجد عقله يفوت
يبقا بناكل في طبق واحد
وفي ثانية بتتحول
واللي بيضحك في وشك
هو اللي في ضهرك غفل
هكمل طريقي بس مقتنع إن أنا
ما بجيش في يوم على حد يعلم ربنا
ياللي بتأذي فيا اغدر ميت سنة
آخرك تراب يوم الحساب في مطحنة
حبك ده ايه راحت عليه
ما بقتش أفكر فيكي
أنا كنت كنز بس اكتشفت
أنا كنز غالي عليكي
رجعالي ليه
لما الفلوس ظهرت يا حلوة عليكي
يلا انطري ومفيش سوري
ولا شيء هيغفر ليكي
ياما أنا محتاج دعاكي أنا في مشرحة
دعوة صحاب دي أونطة لأجل المصلحة
آسف يا بويا ان في يوم خالفت رأيك
ومشيت ورا صحابي الأفاعي في الزرمحه
تعظيم سلام
على اللي طلعو ناس رخاص وكلام
نكرو الجميل باعو الأصيل
مع أول قلم
ولا اي حب ده كله كذب
ونية زفت هباب
حتى الأصول لفوها يابا
بقا ليها ألفين باب
أنا قلبي لما حب ليه يتظلم
ليه لما يخلص ليها بيحس بألم
كان ليكي ضهر
و سرك انتي متشال في بير
كان قلبي ليكى ورقة وانتي القلم