كلمات غمضت عيني

غمضت عيني عن سواليف بالي
حتى ولو ما عانق عيوني نعاس

تمرني عقب الليالي ليالي
والجرح مثلي حيل مرهف وحساس

لا جيت بين الناس كني لحالي
ولا صرت ب لحالي معي كل هالناس

فيني اماني مالها اول وتالي
استسلمت للياس من سطوة الياس

وفيني بقايا حلم من عمر غالي
ضاقت به الدنيا مثل ضيق الانفاس

حزني يراودني وانا عنه سالي
وقت الفرح يرسم على الثغر حراس

فجري بعيد وسور هالليل عالي
ابطى ولا ظنيت في شمسي احساس

اخفيت سري عن سواليف بالي
مشتاق لكن رغم جرحي قوي باس