كلمات قصة ضيعة
شو صار
تخمين
والحق
على مين
من سنين
في جو
حزين
صارلو سنين
يجر سنين
شو صار
بزغار
اللي حبوا
وصارو كبار
حكايات
الحنين
بتدور
صرلا سنين
خلف سنين
هيدي قصه ضيعه زغيره
اهاليها مختلفين
مافي مره اجتمعوا بسهره
الا وطلعو مخانقين
يوميه بيحكوا ع بعضن
وبيخترعوا اشاعات
يمكن من حقدن من قهرن
تلفيق وحكي نكايات
من كتر مالبسو الاسود
صارو متل شجر التين
لما يلوح على امو
يسود بهوا تشرين
صار في حقد وحسد وغيره
ختيروا هني وقاعدين
كل واحد واقف ع سلاحو
ناطر المشكل ليطل
لا بيناموا ولا بيرتاحوا
وماحدا منهن بيفل
هيدا اللي نده للرجالو
والتاني وقف بالعرض
وهيدا اللي جمع عمالو
ركعوا العالم بالارض
ضب الصريخ بالحاره
اجتمعوا العيل للتقرير
يا ويلي على هالليله
هجوا منها العصافير
ولعت الليله ولعت
خربت الليله خربت
يا ويلي شو بدو يصير
نيران الماضي وعيت
ياجماعه روقوا دخيل الله
منبقى منتصافى والباقي على الله
ياجماعه منسهر
والقمر معنا يسهر
خلينا الليله نسهر
ننسى الخناق ونسكر
والسهره فينا تدور
قلبين
عشاق
عينين
تشتاق
من سنين
الحنين
جامعهن
هوا تشرين
صرلو من سنين
صبيه
من عيله
والصبي
من عيله
الكبار
مجانين
مخانقين
مزاعلين
مقاتلين
كانو يتلاقوا ليليه
تحت الجوزه العلى الشير
وتقلو منهرب عشيه
مع رفوف العصافير
لكن اما يخرب بيتا
عرفت بحبا المجنون
راحت قالتلو لبيا
وبيا بتعرفوا مجنون
حبس بنتو وراحو رجالو
خطفوا الشب من الحي
وهجموا العيل بالسهريه
ودار الخبيط والتكسير
قوموا عالرقصه قوموا
تايسنى الليل همومو
والساعد يشبك ساعد
حول الصبيه حوموا
قوموا عالسهره قوموا
يا جماعه عالرقصه قوموا قوموا
خلي رقصتنا بهالليل توعي نجومو
خلينا الليله نسهر
ننسى الزعل ونسكر
والرقصه فينا تدور
خلينا ننسى ونسهر
يا جماعه عالرقصه قوموا قوموا
خلي رقصتنا بهالليل توعي نجومو
ياحبيبي اه منسهر
والقمر معنا يسهر
فرحوا