كلمات طرزان فى حبس انفرادى Tarzan Fe Habs Enfrade
يا قاضي بلاش تدبسني
ما تسمع ليه بتخرسني
هو إنت عاوز تحبسني
طرزان في حبس إنفرادي
أنا اللي حياتي زنزانة
جراح تغفيل وفي خيانة
كإني عايش في سلخانة
عايم في الدم بين خاينين
هعود نفسي بالوحدة
عشان كل البشر جاحدة
عيال في الشر متحدة
مضوا عقد مع الشياطين
إسبرطة في عراكي تملي
ده كل عراكي لزاميلي
ياريت في جميل يوم إتشالي
عشان أفتكر الخير ليكوا
تعالوا جولة يا أحبابي
يا خصم ورينا إيجابي
في عركة ما أجبش أصحابي
عشان ما أرازيش واحد فيهم
ليه كله في ضهري يتكلم
في وشي الحلو بيسلم
معلم مات بيتعلم
وأنا إتعلمت ياض منكوا
هاتوا لي واحد راجل فيكوا
عشان جدعنة أوريكوا
يا هلاهيل عيب أوي عليكوا
ده أنا شايف الغدر في عنيكوا
كله بيبيعني إجباري
هاتولي واحد بيشتري
العيش والملح في مجاري
والعشرة كمين حوار في حوار
عضمي مكسر رمية في نريمان
وجسدي باعتة للدفان
وعقلي من زمان تلفان
وقلبي يا صاحبي ضاربة بنار
طب إيه هبقى عليه يابا
طالما صاحبي بيتغابى
دى دفعة يد دبابة
بس بستحرم أجي عليه
العين بالعين ياريت تفهم
يا صاحبي البادي الأظلم
ولو مرة غلطت بستحرم
بس خالصة الخاين هعادية
يا كرموز الحمل فيكي
ندمر اللي يعاديكي
جواكي اللي إتشرف بيكي
مؤمن فجلة ده الكومندا
إنت النزاهة، مسا للتوينز
مالوش أخصام لكن لي فانز
حوده حدوتة، مسا للبرنس
مستناش من الغريب ساندا
شارب بني وشارب خمرة
ما تستغربش عيني حمرة
ما تشوف نفسك عاوز عمرة
أنا بشرب لأجل أنساكوا
ماليش في حريم يا نسوانجي
عاملي فيها الكلامنجي
عاملنا فيها مافيانجي
على مين يا عيال بتتذاكوا
تعالوا جولة يا منحرفين
باين على وشكوا خايفين
طالما شلتوا في يوم سكاكين
إستحملوا بقى مسكتها
جيتوا من أني حصالة
أنا نفسي أعرف ليكوا سلالة
رفعت صوركوا في الحالة
قالوا كلاب شرسة في بيوتها
يا قاضي بلاش تدبسني
ما تسمع ليه بتخرسني
هو إنت عاوز تحبسني
عشان بتعامل بالأصول
أنا اللي ما شفتش الفرحة
ما بين نسورك الجارحة
ظلموني ما مشيتش مصالحة
قالوا باب الرجولة مقفول
مترحل بين بشر بايشة
في الضيقة كل البلاد عايشة
أبطال وعيال كتير طايشة
وبشر هلافيت على الفاضي
كرهت الحب يا زمالة
إخترت الكرة علشانك
هعيش في الدنيا وحداني
طرزان في حبس إنفرادي