كلمات عيون القلب

عيون القلب سهرانه ما بتنامشي
لا انا صاحيه ولا نايمه ما بقدرشي
يبات الليل يبات سهران على رمشي

وانا رمشي ما داق النوم
وهو عيونه تشبع نوم
روح روح يا نوم من عين حبيبي
روح يا نوم

حبيبي اه من حبيبي عليه احلى ابتسامه
لما بتضحك عيونه بقول يا الله السلامه
لما يسلم عليا ولا يقولي كلام
عايزه ورا كل كلمه اقوله يا سلام

ده قالي في يوم يا حبيبتي خدي القمر
ورحت معاه وما اداني الا السهر

تقولي كلام وافرح بيه
اسيب النوم وافكر فيه
انت تقول وتمشي وانا اسهر ما انمشي
يا اللي ما بتسهرشي ليله يا حبيبي
سهرني حبيبي حبك يا حبيبي
بكتب ع الليالي اسمك يا حبيبي

ده قالي في يوم يا حبيبتي خدي القمر
ورحت معاه وما اداني الا السهر

حبيتك يا حبيبي من غير ما اسال سؤال
وهسهر يا حبيبي مهما طال المطال
انا بس اللي محيرني وما خلانيش انام
ازاي انا بقدر اسهر وازاي تقدر تنام

واقوله حبيبي كل ما فيك حبيبي وحلو
صوتك حلو قلبك حلو
وحتى لما تتعبني واسهرلك سهرك حلو