كلمات من يسرق القلب

يا سارق القلب
رد القلب لي رده
لا تروح عني
و قلبي في سجن عينك
اختار يا ترد قلبي لي او توده
في الحب حكم ضميرك بيني وبينك

من يسرق القلب
لا يمكن لك يرده
ياخدك كلك
و لا تدري معه وينك
حتى الاحاسيس
تلقاها وسط يده
بس يترك الشوق
و الدمعات في عينك
من يسرق القلب لا يمكن لك يرده
ياخدك كلك ولا تدري معه وينك
حتى الاحاسيس تلقاها وسط يده
بس يترك الشوق و الدمعات في عينك

من يوم شوفتك
و قلبي مد لك يده
و العين ذابت
في روعه حسنك و زينك
فصلتي قلبي
على الحب و طلع قده
و حطيتي قلبي
انا في راحه يمينك

من ودي ودك
و ودك في الهوا وده
لا تخلي البين
يبني بينه و بينك
ما حد حبك
ولا احد في الغلا حده
زان بخفوقه وزان بخافقه زينك
من ودي ودك و ودك في الهوا وده
لا تخلي البين
يبني بينه و بينك
ما حد حبك ولا احد في الغلا حده
زان بخفوقه
و زان بخافقه زينك

بنيت بك حلم
يا المحبوب لا تهده
واجمل سنيني
تغنى لاجمل سنينه
حتى المكان اللي
شوفتك فيه من مده
اساله وينك
و هو يسال بعد وينه

درب الهوا صعب لو بتحاول ترده
درب ينسيك في الدنيا عناوينه
يسعدك لكن يسم الحال و يهده
والورد و الشوك ينبت في بساتينه

حطيت لك الف
عذر وقلت لك رده
لا تخيب الظن
لا تخذل محبينك
للحين صابر
واذا صبري وصل حده
سلم على قلبي
اللي في سجن عينك

لو الزمن يوم
وقف ضدك وضده
حاول تصده
ولا تترك محبينك
لا ترخي حبل
الغرام و ترجع تشده
لا تسمح لحد
يدخل بينه و بينك