كلمات علاقه تاعباني
( علاقه تاعباني )
كنت بشوفها طفله برٍيئة
في كل حالاتها ليه جميلة
بكل صفاتها بَهَرٍتنى
ومَلَكت قلبي في دقيقة
وانا حبيت وليها هربت
وفي غَرامها يا دنيا غرقت
وفجاه صفاتها تتغير
حاولت كتير لكنى تعبت
واكمل ليه وانا مالى
ما هى علي طول بتنسانى
يا قلبي علاقة تاعبانى
وليه يا قلبي نتحمل
رجعت وقلت هبقي سعيد
مكانش فيها اي جديد
وبالعكس الجراح بتزيد
خلاص مبقتش اتحمل
تدوق الحب في الاول
تقول ياريته هيطول
وتحلم والله حلم برئ
حبيبك فجأه يتحول
وفجاه تفوق علي الاحزان
وتسهر ليل تعيش في آلام
ولا تنفعك كل المشاعر
ولا يبقي ليك حق الكلام
واكمل ليه وانا مالي
ما هي علي طول بتنسانى
يا قلبي علاقة تاعبانى
وليه يا قلبي نتحمل
رجعت وقلت هبقي سعيد
مكانش فيها اي جديد
وبالعكس الجراح بتزيد
خلاص مبقتش اتحمل