يا حنينه يا نور كل المدينه والصبح دايم طلته من جبينك والغيم لو يا طاهره تزهمينه خلى السماء وامسى في راحه يدينك جبت الزهر ورده مع ياسمينه وعجز يجاري وردك وياسمينك يتنفسك ما ظني تتنفسينه ويذوب في روعه معاني حنينك يا ياسمين الحب شاللي تبينه القمره و نجوم السماء في يدينك يا قلب من حبك وسمعه وعينه يا فرحتي يسلم لي قلبك وعينك يا شمعه البيت وهناه وحنينه يا حظ اهلك فيك و حظ والدينك انتي الفرح يالغاليه يالثمينه جعل السعاده ما تفارق سنينك