كلمات احساسي الليله

الفكره اللي ترفرف فوق هام السحاب
هي رفرفت داخل اعماقي تبي تعتلي
ودي بفكره جديده ماهي حول الخطاب
مثل الاحاسيس لا من جات من داخلي
احساسي الليله انعم من حرير الثياب
فيه الشعور العميق الوافر الممتلي
كم لي وانا اسالك ما بلقى لصدك جواب
من قبل لاحكم عليك وقبل تحكم علي

ماودي اقول لك وتقول ما قلت لي
ياللي تعرف الخطا وتعرف معه الصواب
ما تدري انك سبب حزني مع مقتلي
ليتك تعيش العمر وتعرف طعم الغياب
من بعدها غيب لو غيبتك طالت علي
ماتدري ان صدتك عني ملام وعذاب
وانا اتباهى واشوفك بحري وساحلي
تعبت اطارد سنين العمر ومضة سراب
وتعبت احاسب همومي ليه ما تنجلي
انا ادري ان المفارق ما هو حل وعقاب
وانا ادري ان المفارق واقع ومفصلي

عادي يعيش العمر في عزله ومختلي
ما يتعب الشاعر ويدخل بضيق اكتئاب
الا غياب الشعور الصادق الاولي