كلمات يالله بغيث لـ

يالله بغيثٍ يغيث القاع
وقلوب شعب السعودية
نبي الفضا والفجوج وساع
يمّ الديار الشماليّة

باسمك يا رب استسقينا
قلبنا فرانا ودعينا
طلبنا ورفعنا يدينا
تغيث الديرة وأهلها

هبّ الشمالي بأنسامه
والطير يهيجن بأنغامه
والبر يهلّي بخيامه
بأرض تبهج من نزلها

النفس تاقت على المكشات
بأرض فضا بالخلا الخالي
يا ما حلا الكيف والسجّات
في فيضةٍ تشرح البالي

نبي المطر والطبيعة
بهاك الفياض البديعة
وهاك الفجوج الوسيعة
ما غير القمري دهلها

والبر ليا خيّم ليله
عنده تزين التعليلة
مع ضوّه وإلا المليلة
وقصيد الصيد وغزلها

يا ماجد يا ما حلا المجلاس
في روضة وردها عاطر
مع رفقة عرفها نوماس
وعلومها تشرح الخاطر

والفجر ليا بهّج نوره
وغنّت فوق الروض طيوره
كل نشمي يقوم بدوره
ونفوس للعليا ولها

عنده تزين السوالف
وقلوبٍ ما فيها مخالف
ما فيها مناشب ومحالف
ملح المكاشيت أهلها

شيلة يالله بغيث – ماجد الرسلاني
Yallah Bghaith – Majed Al Raslani

المزيد من أغاني ماجد الرسلاني
بهجر عينك
تبسمي
لعيون الزعيم
كوكب الحلوين
هلا بالغالي