كلمات الهم طاويني أداء

الهم طاويني ولا عاد بي حيل
راحت حياتي كلها في مصايب

ان جيت ابا اريح تزيد الغرابيل
وان جيت ابا اسلا صادفتني عجايب

الضيقة الي جاتني تالي الليل
ضيقة نكد ماهيب ضيقة حبايب

اخفيتها عن معضم الناس بالحيل
وياللاسف ما شفت غير النكايب

الهم طاويني ولا عاد بي حيل
راحت حياتي كلها في مصايب

اشفق على بنتي وانا غارق السيل
واشفق على روحي بكثر النشايب

يا ما طرالي من كثير التعاليل
بس الزمن قاسي وكله غرايب

ان جيت ابا اريح تزيد الغرابيل
وان جيت ابا اسلا صادفتني عجايب

يالله يا ربي عليك التساهيل
يا رازق المسلم بكل الطلايب

تشفي لي جروحي وتوفي لي الكيل
وانك تجازي كل ظالم وهايب

انت الذي بيديك حل و تفاصيل
وانت الذي بيديك هب الهبايب

وانا بفضل الله على الجدي وسهيل
متمركزن ما همني كل خايب