كلمات عندي كلام

عندي كلام وخاطري لك اقوله
و ابغيك تفهم مقصدي يا اريش العين
ماحد جبرك ولكل شخص ميوله
وترى الصراحة راحة بين الاثنين

الحب اكبر من كلام نقوله
واكبر من اللي ينكتب بالدواوين
توك صغير تعيش سن الطفولة
وين المحبة و انت يا معذبي وين

عذرك اعرفه كل يوم تقوله
اسف حبيبي قلتها بالملايين
افهم ترى ولكل شيء اصوله
والحب له ناس على العهد وافين

قررت انا ابعد واتركك بسهوله
واترك حياة عشتها بين نارين
راعي المثل صادق و يا زين قوله
ما تنجبر روح على روح يا زين